ირანის სამთავრობო ტელევიზიები იტყობინებიან, რომ ამერიკულ ბაზებზე განხორციელებული საჰაერო იერიშის შედეგად 80 ამერიკელი სამხედრო მოსამსახურეა დაღუპული. შეერთბული შტატების წამყვან ტელევიზიებსა და სახელმწიფო უწყებებში კი აცხადებენ, რომ არავინ დაშავებულა სარაკეტო თავდასხმის შედეგად.

სამთავრობო მედიის ინფორმაციით, ირანელი სამხედროები ამერიკული შეიარაღებულ ძალების ასობით პოზიციაზე საპასუხოდ სარაკეტო იერიშს მიიტანს, თუ დონალდ ტრამპის ადმინისტრაცია „შურისძიებას“ გადაწყვეტს.

ამერიკულ მედიაში ვრცელდება აგრეთვე ფაქტები იმასთან დაკავშირებით, რომ ამერიკელებს დაზვერვის სამსახურების აქტიური მუშაობის საფუძველზე ჰქონდათ ინფორმაცია მოსალოდნელ თავდასხმასთან დაკავშირებით, რა დროსაც პირადი შემადგენლობის უდიდესი ნაწილი იქნა უსაფრთხო ზონაში გადაყვანილი.