CNN-ი ავრცელებს ირანის რევოლუციის გუშაგთა კორპუსის განცხადებას, სადაც ისინი იმუქრებიან, რომ ამერიკელთა მიერ სარაკეტო თავდასხმებზე სამხედრო პასუხის გაცემის შემთხვევაში, ირანის შეიარაღებული ძალები დაიწყებენ დაბომბვის მესამე ტალღას, რომლის დროსაც მათ მიზანში ამოღებული აქვთ არაბეთის გაერთიანებული საემიროების ქალაქი დუბაი და ისრაელის საპორტო ქალაქი ჰაიფა.

პრეზიდენტი დონალდ ტრამპი ემზადება საზოგადოებისთვის საჯარო მიმართვისთვის. თეთრ სახლში იგი ამ დრომდე განიხილავს ირანისთვის პასუხის გაცემის შესაძლო ვარიანტებს თავის სამხედრო მაღალჩინოსნებსა და თავდაცვის მდივანთან ერთად.

აშშ-ს სახელმწიფო დეპარტამენტის ბრძანებით , აიკრძალა სამოქალაქო ფრენები სპარსეთის ყურის რეგიონის მიმართულებით. ირანის მიერ განხორციელებული სარაკეტო დაბომბვის შემდეგ ძალზე დაძაბული ვითარებაა შექმნილი სპარსეთის ყურის მიმართულებით- ვრცელდება ინფორმაცია ამერიკული სტრატეგიული ავიაციის აფრენის შესახებ დიეგო გარსიას ავიაბაზიდან საპასუხო დარტყმის მისაყენებლად. მედიაში ასევე ცხადდება ინფორმაცია ერაყის საჰაერო სივრცეში ირანული გამანადგურებლების შესვლის შესახებ.