ირანში გენერალი ყასემ სოლეიმანის დაკრძალვის ცერემონიალის დროს ჭყლეტვისას 35 ადამიანი გარდაიცვალა , ხოლო 48 კი მძიმედ დაშავდა. აღნიშნული ინციდენტი ირანელი გენერლის მშობლიურ ქალაქში, ქერმანში მოხდა.

მედიაში ვრცელდება კადრები, თუ როგორ იბრძვიან ექიმები დაშავებულთა გადასარჩენად. ამის შესახებ ინფორმაციას სახელმწიფო მეტია ავრცელებს. სამგლოვიარო პროცესიას მილიონზე მეტი ადამიანი დაესწრო, რის გამოც ქუჩებში გადაადგილებაც კი ჭირდა.

ადამიანები ცდილობდნენ გარდაცვლილი სამხედრო მაღალჩინოსნის კუბოსთან მისულიყვნენ პატივის მისაგებად, რა დროსაც ჭყლეტვა შეიქნა და არაერთი მათგანს გადაუარეს- დაუზუსტებელი ინფორმაციით, ჰაერის უკმარისობისა და ტრავმების შედეგად გარდაცვლილთა რაოდენობა იზრდება.