ბენიამინ ნეთანიაჰუმ რამდენიმე ათწლეულის განმავლობაში არსებული გაურკვევლობის შემდეგ სრულიად შემთხვევით აღიარა, რომ ისრაელი ფლობს ატომურ იარაღს. ამის შესახებ ინფორმაციას THE WEEK ავრცელებს.

ისრაელის მთავრობის კაბინეტის ყოველკვირეული სხდომის შეხვედრისას განიხილებოდა წყალქვეშა გაზსადენის სამომავლო ენერგოპროექტის საკითხი, რა დროსაც ნეთანიაჰუმ განაცხადა: ”ამ პროექტის მნიშვნელობა არის ის, რომ ჩვენ ისრაელს ბირთვულ ძალად ვაქცევთ”, რომლის შემდეგაც მან შეცვალა თავისი კომენტარი და ახსენა „ენერგო ძალა“.

DAILY MAIL-ის ინფორმაციით, ისრაელი საზოგადოდ მიიჩნევა ატომურ სახელმწიფოდ, თუმცა ოფიციალური დადასტურება ან უარყოფა აღნიშნულ საკითხზე არ ყოფილა- ქვეყნის ხელმძღვანელობა ინარჩუნებს „შენიღბვის პოლიტიკას“ ათწლეულების მანძილზე.