CNN-ისთვის მიცემულ ექსკლუზიურ ინტერვიუში ირანის სულიერი ლიდერის სამხედრო მრჩეველმა, განაცხადა, რომ მისი ქვეყანა ყასიმ სოლეიმანის მკვლელობის გამო აუცილებლად გასცემს ამერიკის შეერთებულ შტატებს სამხედრო პასუხს.

„აუცილებლად გავცემთ ადეკვატურ სამხედრო პასუხს ამერიკულ არმიასა და სამხედრო ობიექტებს რეგიონში ,- განაცხადა ჰოსეინ დეგანმა.

დეგანი ირანის ყოფილი თავდაცვის მინისტრია, რომელიც ამჟამად ირანის სულიერი ლიდერის, აიათოლა ალი ჰამენეის სამხედრო მრჩეველი და დაახლოებული პირია.

„ნება მომეცით აგიხსნათ, რომ ჩვენი ქვეყნის ხელმძღვანელობა არ ესწრაფვის ომის გაჩაღებას. ეს ამერიკაა , რომელმაც უკვე დაიწყო ომი. ჩვენ მათ ქმედებას შესაბამისი რეაქციით ვუპასუხებთ. ერთადერთი რამ, რასაც შეუძლია ეს საომარი ვითარება განმუხტოს არის ის, რომ ამერიკელებმა მიიღონ დარტყმა, რომელიც ჩვენზე თავდასხმის საპასუხო რეაქცია იქნება. ამის შემდეგ მათ ახალი ციკლი არ უნდა დაიწყონ.“ ,- განაცხადა ჰოსეინ დეგანმა