ხორვატიაში საპრეზიდენტო არჩევნების მეორე ტური მიმდინარეობს. ხორვატიის სახელმწიფო სახელმწიფო საარჩევნო კომისიის ცნობით, ადგილობრივი დროით, დილის 7 საათზე 6500-ზე მეტი საარჩევნო უბანი გაიხსნა და ამომრჩევლებს ხმის მიცემის საშუალება 19:00 საათამდე ექნებათ.

ქვეყნის მეთაურის პოსტისთვის მოქმედი პრეზიდენტი კოლინდა გრაბარ-კიტაროვიჩი და ოპოზიციური სოციალ-დემოკრატიული პარტიის კანდიდატი ზორან მილანოვიჩი იბრძვიან. 22 დეკემბერს გამართულ პირველ ტურში მილანოვიჩმა ხმათა 29,55%, გრაბარ-კიტაროვიჩმა კი 26,65% მიიღო.

ხორვატიის პრეზიდენტს 5-წლიანი ვადით ირჩევენ, ამ თანამდებობის დაკავება კი მხოლოდ ორი ვადით შეიძლება. კონსტიტუციით, ქვეყნის პრეზიდენტს მხოლოდ წარმომადგენლობითი ფუნქციები აქვს, ეს არჩევნები მომავალი წლის საპარლამენტო არჩევნების რეპეტიციად განიხილება.