ჩრდილოატლანტიკურმა ალიანსმა ერაყში სამხედრო სწავლებები დროებით შეაჩერა.

როგორც დილან უაითმა "სიენენთან" ისაუბრა, ჩრდილოატლანტიკური ალიანსის მისია ჩვეულ რეჟიმში გაგრძელდება, დროებით შეჩერდება მხოლოდ სამხედრო სწავლებები.

ამასთან, ცნობილი ხდება, რომ ახლო აღმოსავლეთში ვითარების გამწვავების ფონზე ჩრდილოატლანტიკური ალიანსის გენერალურმა მდივანმა, იენს სტოლტენბერგმა სატელეფონო საუბარი გამართა აშშ-ის თავდაცვის დეპარტამენტის ხელმძღვანელ მარკ ესპერთან.

ახლო აღმოსავლეთში ვითარების გამწვავება აშშ-ის მიერ ირანელი გენერლის ლიკვიდაციითაა გამოწვეული. გუშინ დილით, ბაღდადის აეროპორტის ტერიტორიაზე ავიაიერიში განხორციელდა, რა დროსაც ირანის რევოლუციის გუშაგთა კორპუსის სპეციალური ქვედანაყოფის „ქუდსის ძალების“ ლიდერი, ყასემ სოლეიმანი დაიღუპა.