გრიპის ვირუსის ინფიცირებულთა რაოდენობა გაიზარდა. შესაბამისად, კლინიკებში პაციენტთა მიმართვიანობამ ბოლო ერთ თვეში იმატა.

მხოლოდ იაშვილის კლინიკას 24 საათში ასზე მეტი პაციენტი მიმართავს. ინფიცირების შემთხვევებმაც იმატა რეგიონებშიც.

დაავადებათა კონტროლის ეროვნული ცენტრი მოსახლეობას ვაქცინაციის დროულად ჩატარებისკენ მოუწოდებს.

პაატა იმნაძის თქმით, პანიკის საფუძველი არ არსებობს რადგან, პაციენტების ჰოსპიტალიზაცია ხშირ შემთხვევაში საჭირო არ ხდება.

თუმცა, საქართველოში ვირუსული აფეთქების ახალ ტალღას მედიკოსები თებერვლიდან ელოდებიან. ტელეკომპანიის ცნობით, წელს საქართველოში შარშანდელთან შედარებით B ტიპის ვირუსი ჭარბობს, რაზეც მოქალაქეებს ნაკლები იმუნიტეტი აქვთ, ამიტომ მას გართულებები ახლავს და ორგანიზმს ვირუსის დამარცხება უჭირს.

B ტიპის ვირუსის ინფექცია განსაკუთრებით ასაკოვან და მოზარდ თაობაში რთულდება. A ტიპის ვირუსისგან განსხვავებით B ტიპის ვირუსი ორგანიზმში რამდენიმე დღით უფრო მეტხანს რჩება და მარტივად რთულდება.