ცოტნე გამსახურდიას ჯანმრთელობის მდგომარეობა კვლავ სტაბილურად მძიმეა. ექიმის ნიკოლოზ კვაჭაძეის თქმით, ამის მიუხედავად უმნიშვნელო დადებითი დინამიკა შეინიშნება.

„პაციენტის მდგომარეობა ამ ეტაპისთვის სტაბილურად მძიმე რჩება. საკონტროლო გამოკვლევებში რაიმე ტიპის ცვლილება ნანახი არ არის. შესაბამისად, დღეისათვის მკურნალობის მოცულობა რჩება უცვლელი. კვლავინდებურად რჩება მართვით სუნთქვაზე რეანიმაციულ განყოფილებაში, სამკურნალო დაცვითი ნარკოზის ქვეშ. შეიძლება ითქვას, რომ უმნიშვნელო დადებითი დინამიკა არის,“ - განაცხადა ნიკოლოზ კვაჭაძემ.