ნიგერიაში მყოფმა ისლამური სახელმწიფოს წევრებმა გამაოქვეყნეს ვიდეო, სადაც ასახულია თუ როგორ მოაჭრეს თავი 11 ქრისტიან ადამიანს. ISIS-ის განცხადებით, მათი ქმედება წარმოადგენს ერთგვარ შურისძიებას სირიაში ტერორისტული ორგანიზაციის ლიდერის, აბუ ბაქრ ალ ბაღდადის მკვლელობის საპასუხოდ. ამის შესახებ ინფორმაციას აქვეყნებს BBC.

გამოცემის მიხედვით, დეტალური ინფორმაცია არ გასაჯაროებულა გარდაცვლილთა შესახებ გარდა იმისა, რომ გარდაცვლილები 2 კვირის წინ დაატყვევეს ნიგერიის ჩრდილო დასავლეთ ნაწილში.

ვიდეო 26 დეკემბერს გამოქვეყნდა და ანალიტიკოსების თქმით, სიკვდილით დასჯა დაკავშირებულია ქრისტიანულ დღესასწაულებთან, რომლითაც ჯიჰადისტები ბოიკოტს უცხადებენ ყველა არამუსლიმური რელიგიის მქონე ადამიანს.