ერდოღანის განცხადებით, თურქეთი გააგზავნის სამხედროებს ლიბიაში ოფიციალური ტრიპოლის მოთხოვნის შესაბამისად. ინფორმაციას ავრცელებს REUTERS-ი.

ლიბიის საერთაშორისოდ აღიარებული ეროვნული თანხმობის მთავრობა უკვე რამდენიმე თვის განმავლობაში აღმოსავლეთ ლიბიაში იგერიებს გენერალი ხალიფა ჰაფტარის შეიარაღებული ძალების შეტევებს, რომელსაც მხარს უჭერს რუსეთი, ეგვიპტე და არაბეთის გაერთიანებული საამიროები.

გასულ თვეს, ოფიციალურმა ანკარამ ლიბიის ლეგიტიმურ ხელისუფლებასთან გააფორმა შეთანხმება სამხედრო თანამშრომლობის საკითხებზე და აგრეთვე საზღვაოსნო საზღვრებთან დაკავშირებით აღმოსავლეთ ხმელთაშუაზღვისპირეთში.

„რადგანაც ჩვენ მივიღეთ მოწვევა ლიბიისგან , ჩვენ მივიღებთ მას და ჯარისკაცების გაგზავნის საკითხს დავაყენებ პარლამენტში განსახილველ დღის წესრიგში 8-9 იანვარს“ ,- განაცხადა ერდოღანმა თავისი პარტიის წარმომადგენლებთან საუბრისას.

მოსკოვმა თურქული შეიარაღებული ძალების ლიბიაში განთავსებასთან დაკავშირებით შეშფოთება გამოთქვა, რაზეც ერდოღანმა განაცხადა, რომ თურქეთი არ დარჩება უმოქმედოდ რუსი დაქირავებული მებრძოლების, ვაგნერის დანაყოფის წინააღმდეგ, რომლებიც ჰაფთარის ბანდფორმირებებს უჭერენ მხარს.

„რუსეთი აქ წარმოდგენილია 2000 ვაგნერის ჯარისკაცით, აგრეთვე აქ არიან თავმოყრილი ბოევიკები სუდანიდან და ლიბიიდან, ოფიციალურმა მთავრობამ დაპატიჟა ისინი? არა“ ,- განაცხადა ერდოღანმა.