ირანის ხელისუფლებამ შეზღუდა ინტერნეტზე წვდომა რამდენიმე პროვინციაში,- ამის შესახებ ერთ-ერთმა ირანულმა საინფორმაციო სააგენტომ გაავრცელა განაცხადა 25 დეკემბერს. აღნიშნული გადაწყვეტილება სოციალურ ქსელებში მორიგი საპროტესტო აქციებისა და დემონსტრაციების დაგეგმვის ფონზე მიიღეს. ინფორმაციას თურქული მედია ავრცელებს.

სოციალური ქსელებით ვრცელდება მოწოდებები, რომ 26 დეკემბერს ადამიანები შეიკრიბონ ქუჩებში და მოსაგონარი ცერემონიალი გამართონ იმ ადამიანების მიმართ, რომლებიც გასულ თვეს დემონსტრაციებზე დახოცეს საპოლიციო ძალებმა ირანელთა მაღალჩინოსნების გადაწყვეტილებით.

ამასობაში კი, სახელმწიფო მედია ავრცელებს ინფორმაციას, რომ ირანის დაზვერვის სამსახურებმა ისპაჰანში ამოიღეს 126 არალეგალური ამერიკული იარაღი, რომელზეც განაცხადეს, რომ უცხოური ძალების მიერაა შეტანილი ქვეყანაში.

გასულ თვეში დაიწყო საპროტესტო აქციები ირანის მთელ ტერიტორიაზე საწვავზე ფასებუს ზრდის გამო, თუმცა დემონსტრანტებმა თავიანთი მოთხოვნები უფრო განავრცეს და მოითხოვეს პოლიტიკური თავისუფლება, შეზღუდვების გაუქმება და აგრეთვე მთავრობის გადადგომა.

REUTERS-ისთვის ირანის სულიერ ლიდერთან დაახლოებული პოლიტიკური წრის მიერ მიწოდებული ინფორმაციით რამდენიმე დღის წინ ცნობილი გახდა, რომ ნოემბერში ირანის საპოლიციო ძალების მიერ გახსნილ ცეცხლს 1500-ზე მეტი მშვიდობიანი დემონსტრანტი შეეწირა- ამის შესახებ კი ინფორმაცია უცნობი იყო საერთაშორისო საზოგადოებისთვის, რადგან ირანმა რამდენიმე კვირით სრულად გააუქმა წვდომა ინტერნეტზე.