აღმოსავლეთ თურქეთში ნავი რომელსაც მიგრანტები გადაჰყავდა, ამოყირავდა, რის შედეგადაც გარდაიცვლა შვიდი ადამიანი. გაცხადებული ინფორმაციის თანახმად, საშუალო ზომის კატარღაზე 64 მიგრანტი იმყოფებოდა, რომელთა უმრავლესობა გადაარჩინეს მაშველებმა. ინფორმაციას ავრცელებს TIME-ი.

ნავი ჩაიძირა ვანის ტბასთან როდესაც იგი მიუახლოვდა ქალაქ ადილსევასს, ბიტლისის პროვინციაში,- ამის შესახებ ინფორმაციას ავრცელებს რეგიონის გუბერნატორი. მცურავი საშუალებით ის არალეგალი მიგრანტები გადაჰყავდათ, რომელებიც ავღანეთიდან, პაკისტანიდან და ბანგლადეშიდან არიან.

ოფიციალური ინფორმაციით, 5 მიგრანტი წყალში გარდაცვლილი იპოვეს, ხოლო 2 ადამიანი კი საავადმყოფოში გარდაცვლილი. თურქეთი მიგრანტებისთვის მთავარ სატრანზიტო ლოკაციად ითვლება, საიდანაც ევროპაში გადაადგილდებიან არალეგალები.