ავსტრალიაში გაუსაძლისი სიცხეები გრძელდება, რაც გარეული ცხოველებისთვისაც რთულად ასატანია. სოციალურ ქსელ TWITTER-ზე გავრცელდა სიცხისგან შეწუხებული ავსტრალიელი კენგურუს ვიდეოკადრები, რომელიც ერთ-ერთი მაცხოვრებლის ბასეინში ჩაწვა გასაგრილებლად.

ავსტრალიის ცხოველთა სამყარო ძალზე დაზიანდა სიცხისგან გამოწვეული ხანძრის შედეგად, რომელმაც გაანადგურა 3,7 მილიონი ჰექტარი ტყის მასივი, რა დროსაც 6 ადამიანი გარდაიცვალა.

გაუსაძლისი სიცხეებისა და ცეცხლის ფონზე, ექსპერტთა აზრით, სიტუაცია უფრო გაუარესდება ახლო მომავალში, რის გამოც საერთაშორისო ორგანიზაციები ცდილობენ რისკის ქვეშ მყოფი ცხოველების დაცვას და აანონსებენ მასშტაბური საევაკუაციო სამუშაოების ჩატარებას.