ფილიპინებში თერთმეტი ადამიანი გარდაიცვალა საშობაო დღესასწაულის აღნიშვნის დროს. გავრცელებული ინფორმაციით მომხდარის მიზეზი არის ქოქოსისგან დამზადებული ღვინო, რომელშიც არსებული მეთანოლის ნივთიერება მომწავლავი აღმოჩნდა, რამაც გამოიწვია რამდენიმეს სიკვდილი და ასეულობით ადამიანის ინტოქსიკაცია, რომლებიც ამ დრომდე გადიან მკურნალობას საავადმყოფოში. ინფორმაციას ავრცელებს CNN-ი.

ადგილორბრივი მედიის თქმით, დაახლოებით 300 ადამიანია ჰოსპიტალიზებული, რომელთაც აღენიშნებოდათ მოწამვლისგან ხანგრძლივი ტკივილი მუცლის არეში, თავბრუსხვევა და გახშირებული ღებინება.

ქოქოსის ღვინო, რომელიც ცნობილია სახელით ლამბანოგი, არის ე.წ პალმის ლიქიორი, რომელიც გამოხდილია ქოქოსისგან და ალკოჰოლის შემცველობა 40-იდან 45 %-მდე აქვს. იგი ძალზე გავრცელებული სასმელია ფილიპინებში ფესტივალების მსვლელობის განმავლობაში.

ფილიპინების საკვებისა და ნარკოტიკების ადმინისტრაციის განცხადებით, ლამბანოგი შემოწმდა მეთანოლის ჭარბ შემცველობაზე, რაც დადასტურდა ექსპერტიზის მიერ. აღნიშნული ალკოჰოლური ნივთიერება ტოქსიკურია სხეულისთვის და ცალკეულ შემთხვევებში იწვევს სიბრმავესა და სიკვდილს.