ჰონდურასის ციხეში კრიმინალურ ბანდებს შორის დაპირისპირებას 16 პატიმარი შეეწირა. გავრცელებული ინფორმაციის თანახმად, ბოროტმოქმედებმა ერთმანეთის წინააღდეგ ცეცხლსასროლი იარაღი, დანები და მაჩეტეები გამოიყენეს ჩხუბის დროს. ამის შესახებ წერს BBC-ი.

პარასკევს ციხის მსგავსი ბუნტის დროს დაიხოცა 18 პატიმარი, ხოლო 16 კი მძიმედ დაიჭრა ჰონდურასის ჩრდილოეთ ქალაქ ტელაში. მთავრობამ საგანგებო მდგომარეობა გამოაცხადა ციხეებში და ძალოვან უწყებებს წესრიგის დამყარება დაავალა. ამ დრომდე უცნობია, თუ რა იყო დაპირისპირების მიზეზი ციხეში, თუმცა პოლიციელთა ვარაუდით, ბანდებს შორის კონკრეტულ საკითხებზე შეუთანხმებლობას მოყვა სისხლისღვრა.

ჰონდურასის ციხეების საკნები გათვლილია მხოლოდ 8000 ადამიანისთვის, თუმცა საპატიმრო ოთახებში თავმოყრილია 20 000 მსჯავრდებული.