აშშ სენატის საერთაშორისო ურთიერთობათა კომიტეტმა რუსეთის წინააღმდეგ "ჯოჯოხეთური სანქციები" დაამტკიცა, ადმნისტრაცია მათ შერბილებას ითხოვს

მსოფლიო - 17:18, 21 Dec, 2019

1032

აშშ-ის სახელნწიფო დეპარტამენტმა სენატს სპეციალური წერილი გაუგზავნა, სადაც ტრამპის ადმინისტრაცია ე.წ. "ჯოჯოხეთური სანქციების" კანონპროექტის შერბილებას ითხოვს. სახელმწიფო დეპარტამენტის აზრით, ამ სახით რუსეთისთვის სანქციების დაწესება მსოფლიოს ბირჟებზე ქარიშხალს გამოიწვევს და აშშ-ის ეკონომიკასაც ზარალი მიადგება.

ლინდსი გრემის მიერ წარდგენილი ეს კანონპროექტი უპრეცედენტო და დღეისათვის ყველაზე მძიმე სანქციების დაწესებას ითვალისწინებს. დოკუმენტის თანახმად იკრძალება რუსეთის სახელმწიფო ვალთან დაკავშირებული ოპერაციები, ასევე სანქციები წესდება საბანკო სექტორთან დაკავშირებით, ამავე კანონით, პრეზიდენტის ადმინისტრაცია ვალდებული იქნება რუსეთი "ტერორიზმის სპონსორად" აღიაროს და მოსთხოვოს სპეცსამსახურებს რეგულარულად მიაწოდოს აშშ-ის კონგრესს მასალები რუსეთის ხელისუფლების მაღალჩინოსანთა და პუტინთან დაახლოებული პირების უკანონო ფინანსური ოპერაციების შესახებ. შეზღუდვები ეხება ასევე ენერგეტიკის სფეროს, კიბერსანქციებსა და საზღვაო მიმოსვლასაც კი.

კონგრესის ზედა პალატამ 18 დეკემბერს უკვე დაამტკიცა ამ დოკუმენტის ტექსტი, რომელიც იქამდე ერთი წლის განმავლობაში გაბხილვის გარეშე იდო საკანონმდებლო ორგანოში. ახლა იგი სენატმა უნდა განიხილოს და ხელმოსაწერად დონალდ ტრამპს წარუდგინოს. სავარაუდოდ სენატი "ჯოჯოხეთურ სანქციებს" 2020 წლის დასაწყისში განიხილავს.

აღსანიშნავია, რომ სენატის კომიტეტში კანონპროექტის განხილვა დაემთხვა კონგრესში ტრამპის იმპიჩმენტის საკითხის დაყენებასა და ტრამპი-ლავროვის საიდუმლო შეხვედრას.

რამდენად გაითვალისწინებს სენატი ადმინისტრაციის მოთხოვნას ჯერჯერობით უცნობია.