პრესტონის სამეფო სასამართლომ 36 წლის ლეონ დეივიდ ეკლესის საქმე განიხილა, რომელსაც „კანაბისის მცირე ოდენობით კულტივაციის“ საქმე ეწოდა.

პროცესზე პროკურორმა ჩარლზ ბრაუნმა განაცხადა: „ის ამბობს, რომ მათ პირადი მოხმარებისთვის ზრდიდა. მისი თქმით, მხოლოდ 20 ძირია ვარგისი.“ დაკავებული მამაკაცი, რომელიც აქამდე კოკაინის დამზადებისა და გასაღებისთვის იყო მსჯავრდებული, მარიხუანას კულტივაციისთვის გაასამართლეს.

მოსამართლემ სასამართლოზე შემდეგი განცხადება გააკეთა: „ამოღებულია 77 ძირი კანაბისი და მათ გასაზრდელად საჭირო აღჭურვილობა. ასევე უნდა გავითვალისწინოთ, რომ ზოგი მათგანი ბოლომდე გაზრდილი არ იყო და შესაბამისად, ვერც ვივარაუდებთ, თუ რამდენი მათგანი იქნებოდა სარეკრეაციო მოხმარებისთვის გამოსადეგი.“

მამაკაცს 10 თვიანი პატიმრობა შეეფარდა.