ცოტნე გამსახურდიას, მდგომარეობა მძიმეა - ექიმებმა მეორე ოპერაციის გადაწყვეტილება მიიღეს

საზოგადოება - 23:57, 19 Dec, 2019

2213

საქართველოს პირველი პრეზიდენტის ვაჟს, ცოტნე გამსახურდიას ხეჩინაშვილის კლინიკაში სასწრაფო ოპერაცია ჩაუტარდა.

ექიმის ინფორმაციით, მისი ჯანმრთელობის მდგომარეობა მძიმეა.

ქირურგი გიორგი გვახარია აცხადებს, რომ ჩატარდა ოპერაცია ამ წუთებში კი პაციენტს ტომოგრაფია უტარდება რის შემდეგაც ნეიროქირურგი გადაწყვეტს, იქნება თუ არა საჭირო ნეიროქირურგიული ოპერაცია.

ცოტა ხნის წინ კი ჩვენთვის ცნობილი გახდა, რომ ექიმებმა უკვე მიიღეს გადაწყვეტილება და ცოტნე გამსახურდიას, მეორე ოპერაციას, თავის ტრეპანაცია უნდა ჩაუტარეს, ვინაიდან თავის არეში მრავლეობითი სისხლჩაქცევები აღენიშნება,

„პაციენტი კლინიკაში მოყვანილია სასწრაფო დახმარების მიერ. აღინიშნება პოლიტრავმა, ანუ მრავლობითი დაზიანებები. დაზიანებულია გულ-მკერდის მარცხენა ნახევარი, ამ მიდამოში აღინიშნება ნაჩხვლეტ-ნაკვეთი ჭრილობები, გულ-მკერდის ღრუში შემავალი ჭრილობები, მარცხენა ფილტვის ზედა წილის დაზიანებით და ე.წ. ჰემო-პნევმო-თორაქსი, ანუ პლევრის ღრუში სისხლის და ჰაერის არსებობით. გარდა ამისა, აღენიშნება მარცხენა ბეჭის მიდამოში ნაკვეთ-ნაჩხვლეტი ჭრილობა ე.წ. აკრომიონის მორჩის დაზიანებით და თავის მიდამოში, თხემის მიდამოში ოთხი ჭრილობა, ნაკვეთი და დაჟეჟილი ჭრილობები.

ჩავატარეთ თორაკოტომია, ანუ გავხსენით გულ-მკერდის ღრუ. ჩავატარე შესაბამისი ოპერაცია. სისხლდენა გაჩერებულია. ახლა პაციენტი ჩამოყვანილია კომპიუტერული ტომოგრაფიის კაბინეტში, რადიოლოგიურ დეპარტამენტში, სადაც თავის ქალას კომპიუტერული ტომოგრაფია ჩაუტარდება. ინახება დაზიანების ხარისხი და ნეიროქირურგი გადაწყვეტს მისი მკურნალობის შემდეგ ტაქტიკას. საჭირო იქნება თუ არა კიდევ დამატებით ნეიროქირურგიული ოპერაცია. მდგომარეობა სერიოზული და მძიმეა, პოლიტრავმა მძიმე პათოლოგიაა“,- განაცხადა ექიმმა.