სომხეთი ბათუმის პორტის შეძენას გეგმავს. სომხურ მედიაში გავრცელდა ინფორმაცია, რომ სომხეთის პრემიერ-მინისტრი მის ქართველ კოლეგას ბათუმის პორტის შეძენის შესახებ ესაუბრა. აღნიშნულის შესახებ წერს სომხური მედია.

ნიკოლ პაშინიანის გადაწყვეტილებით, ოფიციალური ერევნის მიერ აღნიშნული პორტის შეძენა ხელს შეუწყობს ქვეყნისთვის გადაუჭრელი პრობლემის, ტვირთბრუნვის საკითხების მოგვარებას- ცნობილია, რომ საქართველოს ხელისუფლება პორტს $ 600 მილიონ დოლარად აფასებს, რომლის ამჟამინდელ მფლობელად ყაზახური კომპანიაა.

„სომხეთში სხვადასხვა წრეები ცდილობენ ფულადი სახსრების მოგროვებას პორტის საყიდლად, რათა ტვირთების სომხეთში ტრანსპორტირება დაუბრკოლებლად შეძლონ“, - წერს გამოცემა წყაროებზე დაყრდნობით.

3 ნოემბერს სომხეთის ტერიტორიული მართვისა და ინფრასტრუქტურის მინისტრმა სურენ პაპიქიანმა განაცხადა, რომ რუსეთთან მიმდინარეობდა მოლაპარაკებები ორი ბორნის შეძენაზე, რომელიც მოსკოვს ქერჩის ხიდის მშენებლობის შემდეგ გამოუთავისუფლდა.