ავსტრალიის ხელისუფლებამ საგანგებო მდგომარეობა გამოაცხადა ტყის ფართომასშტაბიანი ხანძრის გავრცელების გამო. აღნიშნული მდგომარეობა გამოცხადდა მას შემდეგ, რაც ერთი კვირის განმავლობაში სიდნეის შტატსა და სამხრეთ უელსის რეგიონში ხანძარი მძვინვარებს. ამის შესახებ წერს DEUTSCHE WELLE.

გავრცელებული ინფორმაციით, 100 ხანძრის კერა შეინიშნებოდა ტყის მასივებში, რომელთა ნახევრის ლოკალიზება მოხერხდა. რეგიონში რეკორდულად მაღალი ტემპერატურები ფიქსირდება ყოველდღიურად და მერყეობს + 44-იდან 46 გრადუსამდე.

ექსპერტების თქმით, ქარი, რომლის სისწრაფეც 100 კმ/სთ-ს წარმოადგენს, ხელს შეუშლის ცეცხლის ჩაქრობის პროცესს და არსებობს საშიშროება, მიმდებარედ არსებულ ქალაქებსაც მოედოს ხანძარი.

ავსტრალიაში ხანძარი სექტემბრიდან მძვინვარებს. ტოქსიკური კვამლის გამო, ექიმები საუბრობენ ჯანმრთელობის მძიმე მდგომარეობაზე. მედიაში გავრცელებული ინფორმაციის მიხედვით, უკანასკნელი კვირების მანძილზე, საავადმყოფოებში შეინიშნებოდა მნიშვნელოვანი ზრდა ისეთი პაციენტებისა, რომელთაც სუნთქვის პრობლემები აღენიშნებათ. დადასტურდა ინფორმაცია აგრეთვე 6 ადამიანის გარდაცვალება. 800 სახლი ხანძრის გავრცელების შედეგად უკვე სრულად დაიწვა.