აშშ-ში წარმომადგენელდა პალატის უმრავლესობის მიერ მიღებული გადაწყვეტილებით დონალდ ტრამპის იმპიჩმენტს მხარი დაუჭირა. კონგრესმა აშშ-ს პრეზიდენტს უფლებამოსილების ბოროტად გამოყენებაში დასდო ბრალი და 230-მა კანონმდებელმა მხარი დაუჭირა მის გადაყენებას, აღნიშნულ საკითხის წინააღმდეგი იყო 197 კოონგრესმენი.

აღსანიშნავია, რომ კონგრესის წევრთა უმრავლესობას დემოკრატები შეადგენენ- 435 სადეპუტატო მანდატზე წარმოდგენილია 233 დემოკრატი, 197რესპუბლიკელი და 5 დამოუკიდებელი კონგრესმენი.

საჯარო მოსმენების ფარგლებში, კონგრესს ჩვენება 12-მა მოწმემ მისცა. 4 დეკემბერს კი წარმომადგენელთა პალატამ იმპიჩმენტის პროცედურის შესახებ 300-გვერდიანი ანგარიში გამოაქვეყნა. მიღებულ გადაწყვეტილებას სისრულეში მოსაყვანად დასჭირდება სენატის მხარდაჭერა, სადაც 100 კანონმდებლიდან 53 რესპუბლიკელია, ხოლო 45 დემოკრატია და 2 დამოუკიდებელი. გავრცელებული ინფორმაციის თანახმად, სენატორთა მხარდაჭერა პრეზიდენტის იმპიჩმენტის საკითხს არ ექნება.

აშშ-ს 243 წლიან საპრეზიდენტო ინსტიტუციის ისტორიაში, არც ერთი პრეზიდენტს არ დაუტოვებია დაკავებული თანამდებობა იმპიჩმენტის შედეგად, რომელსაც 100 სენატორიდან 2/3 კანონმდებლის მხარდაჭერა დასჭირდება. მანამდე კონგრესის ქვედა პალატამ იმპიჩმენტი გამოუცხადა ენდრიუ ჯონსონს და ბილ კლინტონს, თუმცა ორივე მათგანი სენატმა გაამართლა.

შეგახსენებთ, რომ აშშ-ის კონგრესის წარმომადგენელთა პალატის სპიკერმა, დემოკრატმა ნენსი პელოსიმ პრეზიდენტ ტრამპის წინააღმდეგ იმპიჩმენტის პროცედურა დაანონსა 24 სექტემბერს, რასაც წინ უძღოდა სკანდალი დონალდ ტრამპსა და უკრაინის პრეზიდენტ ვოლოდიმირ ზელენსკის შორის გამართულ სატელეფონო საუბართან დაკავშირებით- ტრამპი ცდილობდა უკრაინელ კოლეგაზე ზეწოლას და მისგან ითხოვდა, პოლიტიკური მოწინააღმდეგის, ჯო ბაიდენისა და მისი შვილის წინააღმდეგ კორუფციის საქმეზე გამოძიება დაეწყო.