ბათუმში, ჭავჭავაძის ქუჩაზე დაჭრილ პატრულს ქირურგიული ოპერაცია უკვე ჩაუტარდა და ის მართვით სუნთქვაზე იმყოფება.

შემთხვევა წუხელ მოხდა.

„შემოყვანილია 29 წლის მამაკაცი, რომელსაც ორი ჭრილობა აღენიშნება – კისრისა და წვივის არეში. პერიფერიული ჭრილობა უმნიშვნელოა, თუმცა კისრის არეში ღრმა ჭრილობაა; დაზიანებული იყო მცირე ვენები და ხორხის ზედაპირი. ჩაუტარდა ოპერაცია. პაციენტი არის ხელოვნურ სუნთქვაზე. მისი მდგომარეობა არის მძიმე, მაგრამ სტაბილური. შეესაბამება ჩატარებული ოპერაციის შედეგს" - აღნიშნა რესპუბლიკური საავადმყოფოს დირექტორმა, მალხაზ ხალვაშმა.

შინაგან საქმეთა სამინისტროს ინფორმაციით, ბრალდებული ადგილზე დაჭრილი პოლიციელის მეწყვილემ დააკავა. გამოძიება მიმდინარეობს სისხლის სამართლის კოდექსის 353-ე პრიმა მუხლით.