"დამაინვალიდეს": დაკითხვის დროს მარიანას გარეთ გასვლა იყო ნიშანი, რომ დამრტყმელ ძალას დაველეწე"

"დამაინვალიდეს": დაკითხვის დროს მარიანას გარეთ გასვლა იყო ნიშანი, რომ დამრტყმელ ძალას დაველეწე" - ჩოლოიანის მორიგი მსხვერპლი

საზოგადოება - 14:59, 18 Dec, 2019

2119

ნიკა გოგუაძე, 15 წლის ლუკა სირაძის საქმეზე დაკავებული მარიანა ჩოლოიანის მხრიდან მის ძალადობაზე და წამებაზე საუბრობს.

ე.წ "ყივწვისის საქმის" პოლიტპატიმარი ნიკა გოგუაძე სტრასბურგის სასამართლომ უდანაშაულოდ სცნო თუმცა, ევროპული სასამართლოს რეკომენდაციები მოქმედმა ხელისუფლებამ არ გაითვალისწინა და გამომძიებელი საქმიანობას მაინც აგრძელებდა.

"როდესაც მარიანა ვერ იღებდა სათანადო პასუხებს ჩემგან გავიდოდა გარეთ და შემოდიოდნენ დამხმარე ძალები, დამლეწავდნენ და გავიდოდნენ. მათ სჭირდებოდათ ჩემი აღიარება 48 საათში, ყოველი მისი გასვლის შემდეგ იყო ნიშანი, რომ მე უნდა დაველეწეთ და მიეღოთ ჩემგან აღიარებითი ჩვენება, მარიანას ვთხოვდი ადვოკატს თუმცა, სანამ იზოლატორში არ მოვხვდი ჩემს უფლებადამცველს ვერ შევხვდი" - აცხადებს გოგუაძე.
- ფიზიკური დაზიანებები გეტყობოდათ?
- მეტყობოდა კი არა, სულ დალილავებული ვიყავი...
- არ გააპროტესტა?
- საერთოდაც არა. ექიმის გამოძახებაზე არც უფიქრია. ტკივილგამაყიჩებელიც კი არ შემოუთავაზებია. პირდაპირ საქმეზე გადავიდა. დაიწყეო... ვუთხარი, რა დავიწყო-თქო. ის რომ 2 ათასი რუსი ჯარისკაცი შემოგყავდაო. მაშინ, 9 წლის წინ გაცილებით პატარა იყო და ალბათ ამიტომ, გვერდით ჭკუისდამრიგებელი ეჯდა, შედარებით გამოცდილი კაცი...
- შემდეგ?
ჩოლოიანი ჩემგან სასურველ პასუხს რომ ვერ მიიღებდა, თავს უკმაყოფილოდ გადააქნევდა, ირონიულად გაიღიმებდა, სიგარეტს მომაწვდიდა და თვითონ ვითომ შესვენებაზე გადიოდა. ამ დროს ოთახში შემოლაგდებოდნენ ჯანიანი პოლიციელები. დამიშვებდნენ თავზე წიხლებს, სკამებს ბოთლებს, ისევ დამლეწავდნენ გონების დაკარგვამდე. მერე შემოვიდოდა ჩოლოიანი. იატაკიდან ისევ სკამზე ამწევდნენ და „აბა გავაგრძელოთო“ - ისევ აგრძელებდა დაკითხვას.
- ანუ, იცოდა, რომ გაწამებდნენ...
- რა თქმა უნდა. თუ თვითონ არ გავიდოდა, ანიშნებდა თვალებით და ზოგჯერ თვითონ შემოდიოდნენ ოთახში და მე გავყავდით სხვა კაბინეტში, სადაც დამლეწავდნენ და გონდაკარგულს ისევ მარიანასთან შემიყვანდნენ.