წარმომადგენელთა პალატის იურიდიული კომიტეტის მიერ წაყენებული ბრალდების თანახმად, პრეზიდენტ ტრამპის კენჭისყრა დღეს ვაშინგტონში გაიმართება. დემოკრატები რესპუბლიკელთა ლიდერს ძალაუფლების ბოროტად გამოყენებასა და გამოძებისთვის ხელის შეშლაში ადანაშაულებენ.

გვიან ღამით ამერიკის რამდენიმე ქალაქში დემონსტრაციები გაიმართა ტრამპის იმპიჩმენტის მხარდასაჭერად- მომიტინგეები დონალდ ტრამპის დაუყოვნებლივ გადადგომას მოითხოვენ.

„დემოკრატები“ აცხადებენ, რომ დონალდ ტრამპმა დაკავებული პოსტი ბოროტად გამოიყენა, როდესაც სატელეფონო საუბრის დროს უკრაინის პრეზიდენტ ვლადიმერ ზელენსკიზე ზეწოლას ახდენდა და მისგან ითხოვდა, პოლიტიკური მოწინააღმდეგის, ჯო ბაიდენისა და მისი შვილის წინააღმდეგ კორუფციის საქმეზე გამოძიება დაეწყო. პრეზიდენტი ტრამპის მიმართ აგრეთვე მნიშვნელოვან ბრალდებად წარმოდგენილია მის მიერ განხორციელებული სავარაუდო ზეწოლა უკრაინის პრეზიდენტზე , როდესაც იგი ჯო ბაიდენის წინააღმდეგ მხარდაჭერის არ გამოცხადების შემთხვევაში 400 მილიონიანი სამხედრო დახმარების გაუქმებით იმუქრებოდა.

პოლიტიკური ოპონენტების მიერ განხორციელებულ ქმედებებს პრეზიდენტი გამოეხმაურა და მათ ქვეყნის ღალატში დასდო ბრალი.