დეკანოზმა ილია ჭიღლაძემ 15 წლის ლუკა სირაძის გარდაცვალების ფაქტზე სოციალურ ქსელში ფეისბუქ პოსტი გამოაქვეყნა, სადაც იგი პასუხისმგებლობას სამართალდამცველებს აკისრებს.

„15 წლის ლუკას ტრაგედიამ ყველა შეგვძრა. პირადად მე, სიტყვა და აზრი გამიქვავა, რა მეთქვა არ ვიცოდი, სიტყვამ აზრი დაკარგა.

ამ ენით უთქმელი ტრაგედიის ერთადერთი მიზეზი საქართველოს სახელმწიფოს და გარემოს სიმახინჯე, მათ შორის "სამართალდამცველ" ორგანოთა დანაშაულებრივი და უსულგულო ქმედებაა. უკვე მერამდენე არასრულწლოვანზე გვესმის ფსიქოლოგიური თუ ფიზიკური ძალადობა, სათვალავი დავკარგე.

დაე, ლუკას თვითმკვლელობა იყოს ამ მახინჯი , მკვლელი სისტემის დასასრულის დასაწყისი და ის იყოს ბოლო მსხვერპლი. მე მჯერა, ლუკა ცხონდება ქრისტეს მიერ. სიმბოლურია, რომ ბავშვთა და მოზარდთა მფარველის წმ. ბარბარეს ხსენების დღეს დატოვა ეს უსამართლო წუთისოფელი და ქვეყანა ლუკამ. ღმერთო, შეიწყალე და გადაარჩინე ადამიანების მიერ ჯოჯოხეთად ქცეული საქართველო..“ ,- განაცხადა დეკანოზმა ილია ჭიღლაძემ FACEBOOK-ზე.