უკრაინული გამოცემა გორდონისთვის მიცემულ ინტერვიუში, ევროპის საბჭოს საპარლამენტო ასამბლეის ყოფილმა დეპუტატმა და უკრაინის გმირის სტატუსის მქონე უშიშროების თადარიგის გენერალ-ლეიტენანტმა, გრეგორი ომელჩენკომ განაცხადა დამოუკიდებელი მოკვლევის შესახებ ავიაკატასტროფასთან დაკავშირებით, რომელიც მოხდა სმოლენსკთან რუსეთში, სადაც დაიღუპნენ პოლონელი მთავრობის მაღალჩინოსნები, პრეზიდენტი ლეხ კაჩინსკის ჩათვლით.

მედიისთვის მიცემულ ინტერვიუში ომელჩენკომ აღნიშნა ვლადიმერ პუტინის როლი სმოლენსკში მომხდარ ტრაგედიაში. იგი უშუალოდ ადანაშაულებს რუსეთის სპეცსამსახურებსა და მაღალჩინოსან პოლიტიკოსებს სმოლენსკის ტრაგედიაში, ორგანიზებასა და თვითმფრინავის ჩამოგდების განხორციელებაში, რაზეც მისი აზრით მიუთითებს ის, რომ რუსეთმა არ ისურვა TU-154 თვითთმფრინავის ნარჩენების გადაცემა საგამოძიებო უწყებებისთვის მას შემდეგ რაც საფრენმა აპარატმა კატასტროფა განიცადა.

ომელჩენკომ უკრაინაში მიმდინარე კონფლიქტზეც ისაუბრა და აღნიშნა, რომ იმ სიტუაციაში, რომელიც წარმოიშვა რუსეთის მიერ სამხედრო აგრესიის შედეგად უკრაინაში მსოფლიო თანამეგობრობამ კრემლის რეჟიმი უნდა დაგმოს. მისი თქმით უნდა მოხდეს დიქტატორისა და მსოფლიო ტერორისტის, პუტინის ლიკვიდაცია ისე, როგორც ეს მოხდა ოსამა ბენ ლადენის შემთხვევაში.