თურქმენეთის პრეზიდენტმა, გურბანგული ბერდიმუჰამედოვმა ძალოვანი უწყების მინისტრები და მაღალჩინოსნები სპორტდარბაზში დაპატიჟა და ავარჯიშა- ჩაუტარა ტრენინგები, თუ როგორ უნდა იცხოვრონ ჯანსაღად და სწორი ფიტნეს ვარჯიშები განახორციელონ. აღნიშნული ფაქტის ამსახველი ვიდეო სახელმწიფო ტელევიზიამ გაავრცელა.

კადრებში ჩანს, რომ პრეზიდენტი გენერალურ პროკურორს, შინაგან საქმეთა მინისტრს, ეროვნული უსაფრთხოების მინისტრს, საბაჟო სამსახურის უფროსსა და კიდევ რამდენიმე პირს ავარჯიშებს. გავრცელებულ ვიდეოში ჩანს, თუ როგორ იწერენ მინისტრები და მაღალჩინოსანი ძალოვანები გურბანგულის მიერ მიცემულ ინსტრუქციებს ფიტნეს ვარჯიშებთან დაკავშირებით.