ამერიკის თავდაცვის მდივანი მარკ ესპერი გამოეხმაურა თურქი მაღალჩინოსნების მიერ გაკეთებულ განცხადებას საჰაერო ბაზა ინჯირლიკის დახურვასთან დაკავშირებით. ინფორმაციას ავრცელებს REUTERS-ი.

ესპერის თქმით, იგი აპირებს გაარკვიოს თავის თურქ კოლეგასთან და პრეზიდენტ ერდოღანთან აღნიშნული საკითხი, თუ რამდენად სერიოზულად აღიქვამენ ისინი ინჯირლიკის საჰაერო ბაზის გაუქმების პერსპექტივებს, სადაც ინახება ბირთვულქობინიანი ავიაბომბები.

ერდოღანის გაფრთხილება აშშ-სთვის ავიაბაზის დახურვასთან დაკავშირებით დადგა დღის წესრიგში მას შემდეგ, რაც გავრცელდა ინფორმაცია რომ აშშ-ს სენატმა ოსმალეთის იმპერიის მიერ სომეხი ხალხის გენოციდი აღიარა. თურქი ლიდერის განსაკუთრებული გაღიზიანება კი გამოიწვია ამერიკელთა მზაობამ სანქციების დაწესებასთან მიმართებით.

„მე მჭირდება საკითხის გარკვევა და დალაპარაკება ჩემს თურქ კოლეგასთან თავდაცვის სფეროში, რათა დავადგინო თუ რას გულისხმობენ ისინი და რამდენად სერიოზულები არიან“ .

ესპერის თქმით, თურქეთი სუვერენული ქვეყანაა, რომელსაც გააჩნია თანდაყოლილი უფლება, რომ დათანხმდეს ნატოს ბაზების ან უცხოური ჯარისკაცების განლაგებას საკუთარ ტერიტორიაზე.