უკრაინულმა ცნობილმა იუთუბ არხმა, NEWSFROMUKRAINE-მა ეფლის მიმართ საპასუხო ვიდეო გზავნილი ჩაწერა, რომლითაც გამოეხმაურა კომპანიის მიერ ანექსირებული ყირიმის რუსეთის ტერიტორიად აღიარებას.

ვიდეოში სარკასტულად არის ნახსენები, რომ ფულისა და მატერიალური სარგებლის მიღების სანაცვლოდ კომპანია APPLE თვალებს ხუჭავს ამა თუ იმ ქვეყანაში მიმდინარე ადამიანის უფლებათა დარღვევეის ფაქტებზსა და ოკუპანტი სახელმწიფოების მიერ სუვერენულ ქვეყნებში განხორციელებულ სამხედრო აგრესიაზე, რადგან მისთვის მთავარი ინტერესის სფერო მხოლოდ ფულია.

„თუ შენ ხარ დიქტატორი და სამხედრო დამნაშავე, მაგრამ გაქვს ბევრი ფული ჩვენ არასდროს გაგიცრუებთ შენ იმედებს, თუ შენ დაიწყე ომი ან მოახდინე უცხოური ტერიტორიის ანექსირება, არასოდეს გაგიცრუებთ იმედებს- APPLE- ის ძალა დიქტატურაშია“ ,- ნათქვამია იუთუბ არხის ვიდეოში, სადაც ავტორი ამერიკულ კომპანიას ამხელს და გმობს მის პრაგმატულ ეკონომიკურ პოლიტიკას უკრაინის ტერიტორიის ხელყოფის ფონზე.