ბრიტანეთში ჩატარებული არჩევნების შედეგად გაიმარჯვეს კონსერვატორებმა ბორის ჯონსონის ხელმძღვანელობით, რომელიც საზოგადოებას პირდებოდა, რომ დაასრულებდა ბრექსითის პროცესს და ევროკავშირიდან გასვლა ოფიციალურად გაფორმდებოდა 2020 წლის 31 იანვარს.

შოტლანდიის მმართველი ელიტა და საზოგადოების უდიდესი ნაწილი მოსალოდნელი გადაწყვეტილების კატეგორიული წინააღმდეგია- საპარლამენტო არჩევნების შედეგების გამოცხადების შემდეგ „შოტლანდიის ეროვნულმა პარტიამ“ FACEBOOK-ის საკუთარ გვერდზე გააპროტესტა შედეგები: „ ვესტმინსტერი დანგრეულია. არ უნდა იყოს ასე. ჩვენ შეგვიძლია ავაშენოთ უკეთესი, სამართლიანი, უფრო თანაბარი და სრულიად დამოუკიდებელი სახელმწიფო“.

შეგახსენებთ, რომ შოტლანდია არ უჭერს მხარს ბრიტანეთიდან გასვლას და ამ მოვლენის თავიდან ასარიდებლად ითხოვს დამოუკიდებლობას, გაერთიანებული სამეფოს შემადგენლობიდან გასვლას და ევროკავშირის სრულუფლებიან, დამოუკიდებელ წევრობას.