ბრიტანეთში ჩატარებული ვადამდელი საპარლამენტო არჩევნების ეგზიტპოლის შედეგები გამოქვეყნდა საარჩევნო უბნების დახურვის შემდეგ- წინასწარი ინფორმაციით, ბრიტანეთის წარმომადგენელთა პალატაში მანდატების უმრავლესობა, 650-იდან 368 ადგილი მოიპოვეს კონსერვატორებმა, 191 ლეიბორისტებმა, „შოტლანდიის ეროვნულმა პარტიამ“ 55 ,ლიბერალ დემოკრატებმა 13, ხოლო დანარჩენმა პარტიებმა 23 მანდატი მოიპოვეს.

აღსანიშნავია, რომ ჯერემი კორბინის ლეიბორისტულმა პარტიამ 1935 წლის შემდეგ ყველაზე ცუდი შედეგი აჩვენა- 2017 წლის არჩევნების შემდეგ ისინი 262 პარლამენტარით იყვნენ საკანონმდებლო ორგანოში წარმოდგენილი.

ბრიტანეთში ვადამდელი არჩევნების ჩატარება მას შემდეგ გახდა საჭირო, რაც პარლამენტმა საკმაოდ გაახანგრძლივა ბორის ჯონსონის მიერ შემოთავაზებული პირობების განხილვა ევროკავშირთან ბრექსითის თაობაზე, რამაც ერთგვარი პოლიტიკური კრიზისი შექმნა, რის გამოც ვადამდელი საპარლამენტო არჩევნების დანიშვნა გახდა საჭირო.

ბორის ჯონსონის მიერ გაცემული დაპირების შესაბამისად, დიდმა ბრიტანეთმა ევროკავშირი 2020 წლის 31 იანვრამდე უნდა დატოვოს.