ვილნიუსის საერთაშორისო აეროპორტში მგზავრებისთვის ჩამორთმეული სხვადასხვა ნივთებისგან ააწყვეს ნაძვის ხე, რომელიც 1.5 მეტრი სიმაღლისაა, რომლელსაც ორი კვირის განმავლობაში აწყობდნენ. ინფორმაციას BBC-ი ავრცელებს.

ნაძვის ხე შედგება ძირითადად მაკრატლებისგან, დანებისგან, სანთებლებისგან, ცეცხლსასროლი იარაღის ტყვიებისა და იმიტირებული ე.წ პისტოლეტებისგან.

ჩვენი მიზანია, საავიაციო უსაფრთხოების მნიშვნელობაზე საგანმანათლებლო სიგნალის გაგზავნა თვითმფრინავის მგზავრებისთვის. ამ ნივთების ატანა ხელბარგში აკრძალულია, ამიტომ ისინი მგზავრებს ჩამოართვეს შემოწმების დროს. ასე რომ, თუ არ გსურთ, რომ თქვენი პირადი ნივთები მომავალ წელს ჩვენს საშობაო ნაძვის ხეზე აღმოჩნდეს, კარგად შეამოწმეთ თქვენი ბარგის შიგთავსი მომავალი ფრენისთვის მზადებისას“, -განაცხადა „ბიბისისთან“ საუბარში ვილნიუსის აეროპორტის ხელმძღვანელმა.