თეთრ სახლში პომპეოსა და ლავროვს შორის შეხვედრაზე საუბრები მიმდინარეობდა უკრაინის საკითხზეც, სადაც ამერიკის სახელმწიფო მდივანმა აღნიშნა, რომ ამერიკა მიიჩნევს უკრაინის ნაწილად ყირიმის ნახევარკუნძულს, რომლის ანექსირებაც რუსეთმა 2014 წელს მოახდინა. ინფორმაციას ავრცელებს ამერიკის ხმა.

პომპეოს თქმით, დიპლომატების შეხვედრაზე უკრაინაში მიმდინარე საომარ ვითარებაზე საუბარს მნიშვნელოვანი დრო დაეთმო, რა დროსაც და მან რუსეთის საგარეო საქმეთა მინისტრს განუცხადა, რომ აღმოსავლეთ უკრაინაში კონფლიქტის გადაწყვეტა მინსკის შეთანხმებით ნაკისრი ვალდებულებების შესაბამისად უნდა დაიწყოს.