ნიუ-ჯერსიში სროლის შედეგად გარდაიცვალა ერთი პოლიციის ოფიცერი, სამი თვითმხილველი და 2 თავდამსხმელი. ამის შესახებ ინფორმაციას აქვეყნებს AL-JAZEERA

ცეცხლსასროლი იარაღიდან სროლა რამდენიმე საათს გაგრძელდა. თავდაპირველად სროლა დაიწყო სასაფლაოზე, სადაც სამართალდამცავი ადგილზე მოკლეს თავდამსხმელებმა, შემდეგ კი დაპირისპირება კოშერის სუპერმარკეტში გაგრძელდა, სადაც 5 გარდაცვლილი ადამიანის სხეული იქნა აღმოჩენილი.

ამ დრომდე არ არის დადგენილი თუ რა იყო სროლის მიზეზი, თუმცა პოლიციის ხელმძღვანელობის თქმით, სამართალდამცავები ცდილობდნენ კრიმინალების შეჩერებას.

ქალაქის საზოგადოებრივი უსაფრთხოების დირექტორის თქმით, სისხლისღვრის მიზეზი არ იყო ტერორისტული აქტის გამოვლინება, თუმცა გამოძიება აღნიშნულ მოვლენასთან დაკავშირებით ამ დრომდე მიმდინარეობს.

ქალაქის ერთ-ერთი ქუჩაზე რამდენიმე საათიანი ტყვიების ზუზუნის შემდეგ, ადგილზე განსაკუთრებულ დავალებათა დეპარტამენტის სპეციალური ძალების ( SWAT) სპეცრაზმელები და ფედერალური აგენტები გამოჩნდნენ, რომელთაც ქუჩები გადაკეტეს.