უკრაინულმა სახელმწიფო-სამეცნიერო თავდაცვითმა კომპანია „LIMPID ARMOR”- მა წარმოადგინა უახლესი ტექნოლოგია, რომელიც ჯარისკაცს საშუალებას აძლევს, სამხედრო მანქანაში ყოფნის დროს 360 გრადუსით ხედავდეს გარე პერიმეტრს. ამის შესახებ წერს defence-blog-ი.

აღნიშნული სისტემა გამოიცადა BTR-4e ბორბლიან ჯავშანტრანსპორტიორზე და მომავალშიც უნდა გაგრძელდეს ტექნოლოგიის სრულყოფისთვის გამოცდების ჩატარება.

DEFENCE-BLOG-ის სტატიაში ახსნილია სისტემის მოქმედება- კამერები დამონტაჟებულია საბრძოლო მანქანის სრულ პერიმეტრზე, ხოლო ჯარისკაცებს, რომლებიც შეჯავშნულ ტრანსპორტში სხედან, რომლებიც სპეციალური ჩაფხუტით არიან აღჭურვილნი მიეწოდებათ ინფორმაცია, თუ რა ხდება ჯავშანს მიღმა- ჩაფხუტის მინი-ეკრანზე აღნიშნულია ტექნიკის სიჩქარე, რუკა და მანქანის ადგილმდებარეობა, ასევე სხვა საჭირო ინფორმაცია მანქანის მდგომარეობასა და ჯავშანტრანსპორტიორის მიღმა სხვა მნიშვნელოვანი ობიექტები. ახალ ტექნოლოგიას შეუძლია, გაარჩიოს ერთმანეთისგან მტრის და თანამებრძოლი ჯარისკაცები.