რუსეთის პრეზიდენტის თქმით, ბერლინში მოკლული საქაქრთველოს მოქალაქე და ეროვნებით ჩეჩენი სამხედრო, ზელიმხან ხანგოშვილი ტერორისტულ საქმიანობას ანხორციელებდა, რომელიც პასუხისმგებელი იყო მოსკოვის მეტროს აფეთქებაზე.

ამის შესახებ ვლადიმერ პუტინმა განაცხადა პრესკონფერენციაზე პარიზში ნორმანდიის ფორმატის ფარგლებში 4 ქვეყნის ლიდერის შეხვედრის დროს.

„ამ ბოევიკმა ერთ-ერთი ყველაზე სისხლისმღვრელი ოპერაციის დროს მოკლა 98 უდანაშაულო ადამიანი“ ,- განაცხადა პუტინმა. მან აღნიშნა, რომ არ იცის ხანგოშვილის სიკვდილის მიზეზი- „ეს არის განგსტერული გარემო და იქ ყველაფერი შესაძლოა მოხდეს“. მედიასთან საუბარში პუტინმა გაიხსენა, რომ არაერთხელ მოითხოვა ხანგოშვილის გადმოცემა რუსეთის უშიშროების უწყებებმა , რადგან იგი ძებნაში იყო , თუმცა მათი მოთხოვნა არ იქნა დაკმაყოფილებული ქართული მხარის მიერ.

რუსეთის პრეზიდენტმა ”არასწორი” უწოდა გერმანიის გადაწყვეტილებას, ორი რუსი დიპლომატის გათავისუფლების საკითხზე, რომლებიც ხანგოშვილის მკვლელობაში ფიგურირებდნენ.

ზელიმხან ხანგოშვილი ბერლინში 23 აგვისტოს მოკლეს. ბერლინის პოლიციამ მკვლელობის ბრალდებით რუსეთის 48 წლის მოქალაქე დააკავა, რომლის ვინაობაც დღემდე უცნობია.