ჩილეს სამხედრო-სატრანსპორტო თვითმფრინავი C-130 ჰერკულესი ანტარქტიდისკენ მიმავალ გზაზე ჩამოვარდა. ბორტზე 38 ადამიანი იმყოფებოდა.

ქვეყნის სამხედრო საჰაერო ძალები მეზობელი ქვეყნების წარმომადგენლებთან ერთად სავარაუდო ინციდენტის არეალში ამ დრომდე ახორციელებენ სამძებრო სამუშაოებს გადარჩენილთა აღმოსაჩენად. ინფორმაციას CNN-ი ავრცელებს.

თვითმფრინავი ჩილეს დედაქალაქ სანტიაგოდან გაემგზავრა და დაეშვა ქალაქ პუნტა არენაში საწვავის შესავსებად, შემდეგ კი ანტარქტიკის სამხედრო ბაზისკენ გაემართა, როდესაც ადგილობრივი დროით 6 საათზე დაკარგა რადიო კავშირი შტაბთან. მედიაში გავრცელებული ინფორმაციის თანახმად საჰაერო აპარატის გაფრენის მიზეზი იყო მოტივტივე დაზიანებული ნავთობსადენის შეკეთება, რომლიც უზრუნველყოფდა სამხედრო ბაზისთვის საწვავის მიწოდებას.