მალტელმა პრემიერ-მინისტრმა, ჯოზეფ მასკეტმა ეროვნული ტელევიზიის ეთერში გადადგომასთან დაკავშირებით განცხადება გააკეთა, რისი მიზეზიც ქვეყანაში შექმნილი პოლიტიკური კრიზისია მოკლული ჟურნალისტის ფონზე. ინფორმაციას ავრცელებს BBC.

მისი განცხადებით, მან მიმართა მმართველ მუშათა პარტიას სთხოვა, დაიწყონ პროცედურა ახალი პრემიერის არჩევასთან დაკავშირებით 12 იანვარს.

მომიტინგეები პერმანენტულად მოითხოვდნენ ქვეყნის პირველი პირის დაუყოვნებლივ გადადგომას ჟურნალისტი დაფნი კარუანა გალიციას მკვლელობის გამო, რომლის სიკვდილშიც ადანაშაულებენ მმართველ გუნდს.

გალიცია 2017 წელს მანქანაში ჩამონტაჟებული ბომბის აფეთქების შედეგად გარდაიცვალა მას შემდეგ, რაც მან ამხილა მალტელი ბიზნესმენები და პოლიტიკური ელიტა კორუფციულ საქმიანობებზე.

განცხადებამდე რამდენიმე საათით ქვეყნის დედაქალაქში მუსკატის დაუყოვნებლივი გადადგომის მოთხოვნით აქცია ჩატარდა. დემონსტრანტებმა უკმაყოფილობა გამოთქვეს იმით თუ როგორ უმკლავდება მუსკატი მკვლელობის საქმით გამოწვეულ კრიზისს.

საპროტესტო მუხტმა ქუჩაში იმძლავრა მას შემდეგ, რაც ბიზნესმენი იორგენ ფენეკი მკვლელობის თანამონაწილეობაში დამნაშავედ სცნეს, რასაც იგი უარყოფს.