აზერბაიჯანის მმართველმა პარტიამ, „ენი აზერბაიჯანმა“ პარლამენტის დათხოვნის გადაწყვეტილება მიიღო. ამის შესახებ ინფორმაციას REUTERS-ი ავრცელებს.

„ეს გადაწყვეტილება ახსნილია იმით, რომ პარლამენტში მიმდინარე სიტუაცია ვერ პასუხობს შესაბამისად სახელმწიფოს ხელმძღვანელის მიერ გატარებულ პოლიტიკას“ ,- აცხადებენ აზერბაიჯანის მმართველი პარტიის მეთაურები.

29 ნოემბრის სხდომაზე საპარლამენტო უმრავლესობა აღნიშნულ საკითხს განიხილავს, სადაც ილჰამ ალიევს მიმართავენ ვადამდელი არჩევნების გამოცხადებასთან დაკავშირებით. აზერბაიჯანში არჩევნები 2015 წელს ჩატარდა. მორიგი საპარლამენტო არჩევნები კი დაგეგმილი იყო 2020 წელს.