ბრიტანული მედია იუწყება, რომ დედოფალი ელისაბედ II შესაძლოა 18 თვეში ტახტიდან გადადგეს, რომელსაც დაუთმობს თავის შვილს, პრინც ჩარლზს. ამის შესახებ იუწყება THE SUN-ი.

გავრცელებული ინფორმაციის თანახმად, მიუხედავად იმისა რომ ტახტიდან გადადგომაზე ოფიციალურ დონეზე ღიად საუბარი აკრძალულია, უფლებამოსილების გადაბარების პროცესი უკვე დაწყებულია. დედოფალმა ტახზე უარი შესაძლოა თქვას 2021 წელს, როდესაც ელისაბედი 95 წლის გახდება.

ელისაბედ II ბრიტანეთის მონარქის სტატუსს 1953 წლიდან დღემდე ინარჩუნებს. იგი გაერთიანებული სამეფოს ისტორიაში გახდა ყველაზე ხანდაზმული მმართველი, რომელიც განაგებს ბრიტანეთს.

მედიის ინფორმაციით, დედოფალი ხანდაზმულობის გამო უკვე ამცირებს საჯაროდ გამოჩენას, რადგან 2016 წელს იგი ხალხის წინაშე 332-ჯერ წარსდგა, ხოლო 2018 წელს კი უკვე 283-ჯერ.