ტრამპის ადმინისტრაცია აპირებს ნატოს დაფინანსება შეუწყვიტოს. პენტაგონიდან გამოყოფილი თანხა ნატოს ერთიანი ბიუჯეტის 22 %-ს შეადგენს, რომელიც ფარავს ორგანიზაციის შტაბინებისა და საერთო სამხედრო ოპერაციებისთვის გამოყოფილ ხარჯებს. CNN-ის ინფორმაციით, თეთრი სახლი დაფინანსების შემცირებას 16%-მდე გეგმავს

ნატოს საერთო ბიუჯეტი შეადგენს 2.5 მილიარდ $-ს, რომელიც განცალკევებულია ალიანსის წევრი ეროვნული თავდაცვის ბიუჯეტიდან.

დონალდ ტრამპი დიდი ხანია აკრიტიკებს ნატოს წევრ სახელმწიფოებს, განსაკუთრებით გერმანიას იმის გამო, რომ არ შეასრულა ალიანსის ერთიანი კონცეფციით მიღებული დადგენილება თავდაცვის ბიუჯეტის 2 %-მდე გაზრდასთან დაკავშირებით. უკანასკნელი წლების განმავლობაში, აშშ-ს მოთხოვნის შესაბამისად არაერთმა წევრმა სახელმწიფომ გაზარდა საკუთარი თავდაცვის ძალების დაფინანსება.

ამერიკელი სამხედრო მაღალჩინოსნების განცხადებით, აშშ-მა უნდა დაზოგოს ფული, რათა მეტად დააფინანსოს ამერიკული არმია და ევროპის უსაფრთხოების ღონისძიებებისთვის მიმართოს თანხები, მათ შორის უკრაინისა და საქართველოს თავდაცვის გაძლიერებისთვის, რომლებიც საომარ ზონაში არიან რუსეთის ფედერაციის წინააღმდეგ.