Amnesty international- ი საქართველოში მიმდინარე აქციებს ეხმაურება, რომელიც რამდენჯერმე ძალის გამოყენებით იქნა დაშლილი ხელისუფლების მიერ. საერთაშორისო უფლებადამცველი ორგანიზაცია მოუწოდებს მთავრობას, თავი შეიკავოს ძალის გამოყენებისგან, როდესაც ამის აუცილებლობა არ არსებობს. „ძალა უნდა გამოიყენონ მხოლოდ მაშინ ,როდესაც არაძალადობრივი საშუალებები ეფექტური აღარ იქნება. სამართალდამცავებმა უნდა იზრუნონ, რომ დაზიანებისა და დაშავების შემთხვევები მაქსიმალურად ცოტა იყოს“ ,- ნათქვამია ორგანიზაციის მიერ გამოქვეყნებულ წერილში.

„ ათეულობით მომიტინგე იქნა დაკავებული 18 და 26 ნოემბერს მთავრობის წინააღმდეგ გამართულ აქციაზე- ორივე შემთხვევაში სპეციალური ოპერაციის ძალებმა გამოიყენეს წყლის ჭავლი დაბალი ტემპერატურის დროს მას შემდეგ , რაც დემონსტრანტებმა დაბლოკეს პარლამენტის შესასვლელები“.

განცხადებაში ნათქვამია, რომ 26 ნოემბერს დილის 5 საათზე -1 გრადუსის ყინვის ფონზე მომიტინგეთა წყლის ჭავლით დარბევის შედეგად მძიმედ დაზიანდა 4 დემონსტრანტი, ხოლო 28 მათგანი დააკავეს ადმინისტრაციული სამართლის დარღვევით პოლიციის წინააღმდეგობის გაწევის გამო. ანალოგიურ ვითარებაში დააკავეს აგრეთვე 40-მდე მომიტინგე 18 ნოემბერს.

Amnesty international- ის განცხადებით, ორივე ზემოხსენებული აქციის დარბევა არც პროპორციული იყო და არც აუცილებელი. ორგანიზაციის თქმით, როდესაც ესეთ დროს ძალას იყენებს საქართველოს ხელისუფლება აქციის დასარბევად, უნდა გაითვალისწინონ კონტექსტური ფაქტორები, როგორიცაა ცივი ამინდი, რომლის ფონზეც წყლის ჭავლს განსაკუთრებით მძიმე ეფექტი აქ დარბეულ მოქალაქეებზე.