კონგოს დედაქალაქში, კინშასაში წყალდიდობის შედეგად 39 ადამიანი გარდაიცვალა. ადგილობრივი მთავრობის წარმომადგენელთა განცხადებით, კოკისპირული წვიმებისა და მეწყერის გამო დაზიანდა „კინშასას უნივერსიტეტი“ , რომლის მიმდებარე ტერიტორიაზე უამრავი ადამიანი გარდაიცვალა და დაშავდა.

ფატალური სტიქიის შედეგად, დანგრეულია ორი მთავარი ხიდი და ასეულობით სახლი დედაქალაქში, რომლის შესახებაც ინფორმაციას ავრცელებს ვიცე-გუბერნატორი , ნერონ მბუნგუ. მისი თქმით გარდაცვლილთა შორის აგრეთვე არიან ბავშვებიც.

წყალდიდობები და მეწყერი ხშირია კინშასაში- იანვარშიც მოხდა მსგავსი შემთხვევა, როდესაც გადაუღებელი წვიმებისა და მეწყრის შედეგად ერთ ღამეში ათობით სახლი და მათი მაცხოვრებელი წაიღო მოვარდნილმა წყალმა, რომლის დროსაც 50-მდე ადამიანი გარდაიცვალა.