თბილისში, პარლამენტის მიმდებარედ 26 ნოემბრის დილით განხორციელებულ მშვიდობიანი აქციის დარბევას ეხმაურება BBC, სადაც ნათქვამია, რომ პოლიციამ სპეცრაზმი და წყლის ჭავლი გამოიყენა მომიტინგეთა წინააღმდეგ.

„ათასობით ადამიანი შეიკრიბა ორშაბათს ღამით, რათა გაეპროტესტებინა მმართველი პარტიის მიერ საკანონმდებლო ცვლილების ჩაგდება პარლამენტში. პოლიციის მიერ ძალის გამოყენების დროს რამდენიმე აქტივისტი და პოლიტიკური პარტიის ლიდერი იქნა დაკავებული“ ,- ნათქვამია ბრიტანული მედიის მიერ გამოქვეყნებულ სტატიაში.

აქციები უკვე მიმდინარეობს ორი კვირაა და აქტივისტები ითხოვენ პროპორციულ სისტემაზე გადასვლას.

„მომიტინგეებმა დაბრკოლება შექმნეს და გადაკეტეს პარლამენტის შესასვლელები, რათა არ მიეცათ სამშაბათის სესიაზე მმართველი პარტიის დეპუტატებისთვის საკანონმდებლო ორგანოში შესვლის საშუალება. სამართალდამცავმა უწყებებმა არ მისცეს მშვიდობიან დემონსტრანტებს პროტესტის გამოხატვის საშუალება, რა დროსაც ძალის გამოყენებით დაარბიეს მოქალაქეები“ ,- ნათქვამია BBC-ზე გამოქვეყნებულ სტატიაში.

საქართველოში მიმდინარე მოვლენებს აგრეთვე ეხმაურება ამერიკული გავლენიანი გამოცემა WASHINGTON POST-ი- „ ათასობით ადამიანი შეიკრიბა პარლამენტის წინ საქართველოში, რომლებიც მოითხოვენ ხელისუფლებისგან მათთვის გაცემული დაპირების შესრულებას და პროპორციულ საარჩევნო სისტემაზე გადასვლას. აქციის მონაწილეებმა დაბლოკეს პარლამენტის შესასვლელები, რათა პოლიტიკოსებმა ვერ შეძლონ სამშაბათის სესიაზე დასწრება, თუმცა მათ წინააღმდეგ პოლიციამ ძალის გამოიყენა და მშვიდობიანი აქცია დაარბია“.

თბილისში განვითარებულ მოვლენებს აგრეთვე ეხმაურება გერმანული გამოცემა DEUTCHE WELLE: “ მომიტინგეები აფრიალებდნენ ევროკავშირის დროშებს და ერთიანი შეძახილებით მიმართავდნენ მთავრობას: „შეცვალეთ და გადადექით დაკავებული თანამდებობებიდან“