უკრაინის ქალაქ გორლოვკის ყოფილი მერი, ედუარდ მატიუხი უკრაინის შეიარაღებული ძალების დაზვერვის ოფიცერი აღმოჩნდა. ამის შესახებ მან ტელეარხ ТСН-ისთვის მიცემულ ინტერვიუში განაცხადა.

გორლოვკა დონეცკის სახალხო რესპუბლიკის სახელით მოქმედი ამბოხებული ჯარისკაცების კონტროლქვეშაა 2014 წლის აპრილიდან. ამავე წლის მაისში მატიუხა აირჩიეს ქალაქის მერად, გარკვეული პერიოდის შემდეგ კი პოსტი დატოვა და დონეცკის კომუნისტური პარტიის გენერალური მდივანი გახდა.

უკრაინელი დაზვერვის ოფიცრის განცხადებით, იგი 5 წლის განმავლობაში თავდაცვის სამინისტროს აწვდიდა საიდუმლო მასალებს. მის მთავარ მიზანს წარმოადგენდა პროვოკაციების მოწყობა ოკუპირებულ რეგიონში ე.წ პრორუს ბანდფორმირებებს შორის- ერთ-ერთი ასეთი შემთხვევა იყო კონფლიქტის გაღვივება „ДНР“-ის სამხედროებს შორის, რის გამოც მას მოუწია დაკავებული თანამდებობის დატოვება.

თავის მხრივ, თავდაცვის სამინისტროს დაზვერვის წარმომადგენელმა, ვადიმ სკიბიცკიმ მედიისთვის მიწოდებულ ინფორმაციაში აღნიშნა, რომ მატიუკა უამრავ სამხედრო საიდუმლო ინფორმაციას აწვდიდა უკრაინას , სანამ იგი უკრაინულმა სპეცსამსახურებმა გამოიყვანეს ოკუპირებული ტერიტორიიდან.