ირანის რევოლუციური დაცვის კორპუსის ხელმძღვანელი ითხოვს, სასამართლოსგან უმკაცრესად დაისაჯონ ის ე.წ „დაქირავებული“ აქციის ორგანიზატორები, რომლებიც მართავდნენ ანტისამთავრობო საპროტესტო დემონსტრაციებს ნავთობის ფასის გაზრდის გამო. ამის შესახებ წერს AL JAZEERA.

„ჩვენ დავაკავეთ ყველა ის დაქირავებული მებრძოლი, რომელთაც აღიარეს თავიანთი საქმიანობის დეტალები, რომ მუშაობდნენ ამერიკის სპეცსამსახურების ინტერესებისა და ირანის მთავრობის საწინააღმდეგოდ. უფლის ნებით, სასამართლო დაკავებულების მიმართ უმკაცრეს ღონისძიებებს გაატარებს“ ,- განაცხადა ადმირალმა ალი ფადავიმ.

Amnesty International-ის ინფორმაციის თანახმად, უსაფრთხოების ძალებმა მომიტინგეების მისამართით ისროდნენ შენობის სახურავებიდან და არაერთი შემთხვევა იყო აგრეთვე ვერტმფრენებიდან სნაიპერების „მუშაობის“.

უკანასკნელი ინფორმაციით შეტაკებების შედეგად გარდაიცვალა ასეულობით ადამიანი, რასაც უარყოფს ირანის მთავრობა და დასავლეთის მიერ სპეკულაციებზე მიუთითებს. მთავრობის თქმით, 1000 დემონსტრანტი იქნა დაკავებული.