ამერიკის სახელმწიფო დეპარტამენტის ოფიციალური განცხადებით, თურქეთმა უარი უნდა თქვას რუსეთისგან შესყიდულ ს-400-ის ანტისაჰაერო სისტემების გამოყენებაზე, რათა ვაშინგტონთან არსებული დაძაბულობა აღმოიფხვრას. ინფორმაციას REUTERS-ი ავრცელებს.

უწყების თქმით, ზემოხსენებული კომპლექსების გამოყენება ნატოს ერთიან თავდაცვით შესაძლებლობებს საფრთხის ქვეშ აყენებს.

ანკარასა და ვაშინგტონს შორის უთანხმოება გამოიწვია თურქეთის მიერ რუსული ანტისარაკეტო სისტემის შესყიდვამ, რის გამოც ამერიკელებმა ნატოელი პარტნიორი სამხედრო ალიანსისთვის საფრთხის შექმნაში დაადანაშაულეს და F-35-ის პროგრამიდან გარიცხეს.

„ აქ არის ოთახი, სადაც თურქეთი მაგიდასთან მოლაპარაკებას უნდა დაუბრუნდნენ. მათ იციან, რომ ურთიერთთანამშრომლობისთვის მათ უნდა გაანადგურონ, დააბრუნონ ან რამენაირად თავიდან აირიდონ S-400-ის გამოყენება“ ,- განაცხადა ამერიკის სახელმწიფო ადმინისტრაციამ.

ბოლო შეხვედრის დროს, ერდოღანს ტრამპმა განუცხადა, რომ უარი უნდა თქვას S-400-ზე, სანაცვლოდ კი მზადაა, მიყიდოს პატრიოტის ანტისარაკეტო სისტემა.