სერბეთის პრეზიდენტმა, ალექსანდრ ვუჩიჩმა უბრძანა ქვეყნის სპეცსამსახურებს, დაიწყოს გამოძიება YOUTUBE-ზე ატვირთულ ვიდეოსთან დაკავშირებით, სადაც ასახულია რუსეთის საელჩოს თანამშრომელი, გეორგი კლებანი, რომელიც ხვდება უცნობ მამაკაცს და სავარაუდოდ თანხას გადასცემს. ინფორმაციას REUTERS-ი ავრცელებს.

ბულგარელმა გამომძიებელ-რეპორტიორმა, ხრისტო გროზევმა, TWITTER-ის საკუთარ გვერდზე აღნიშნული ვიდეო გამოაქვეყნა, სადაც ავტოსადგომზე ორი მამაკაცის შეხვედრაა ნაჩვენები. ერთ-ერთი მათგანის სახე არ ჩანს, ხოლო მეორესი კი გარჩევადია. „ რუსები სერბებს კორუმპირებულს" ხდიან ,- ნათქვამია ვიდეო ჩანაწერის აღწერაში. კადრებში ასახულია რუსეთის სამხედრო დაზვერვის ოფიცერი, რომელიც უხდის ფულს სერბ აგენტს- იგი გავრცელებული ინფორმაციით, მაღალჩინოსანი ჩინოვნიკია და სერიოზული თანამდებობა უკავია სერბეთის მთავრობაში.

თავდაპირველ კადრებში ჩანს, რომ რუს აგენტს ხელში თეთრი ჩანთა უკავია. გარკვეული პერიოდის შემდეგ, ორი მამაკაცი ერთად მიირთმევს ლუდს და ამ დროს კი ზემოხსენებული ჩანთა გადაეცემა „სერბ აგენტს“, რომელიც სანაცვლოდ მის თანამზრახველს წითელ ჩანთას გადასცემს. მოგვიანებით, სერბი მაღალჩინოსანი ჩანთიდან იღებს ბანკნოტებს და ითვლის მათ.

ხრისტო გროზევის თქმით, მან გამოიყენა MICROSOFT-ის სახის ამომცნობი პროგრამა რუსი აგენტის იდენტიფიცირებისთვის.

სერბეტის პრემიერის, ანა ბრნაბიჩის თქმით, თუ ეს ფაქტი დადასტურდება, სერიოზულ პრობლემას გააჩენს სერბეთისა და რუსეთის ურთიერთობებს შორის.