იტალიაში იხსნება მამაკცებისთვის თავშესაფარი, რომლებიც განქორწინების შემდეგ გაკოტრდნენ. იტალიური მედიის ცნობით, ასეთი კაცები აღქმულნი არიან, როგორც ამ ეპოქის „ახალი უპოვარი ადამიანები“. ინფორმაციას MBSNEWS-ი ავრცელებს.

იტალიაში განქორწინების დროს 60 %-ის შემთხვევაში ბავშვები რჩებიან დედებთან. მამაკაცები ვალდებული არიან, განქორწინების შემთხვევაში არა მარტო ბავშვზე, არამედ ყოფილ მეუღლეზეც იზრუნონ და ფინანსურად უზრუნველყონ მათი მოთხოვნები.

ყოფილი ქმრების განცხადებით, განქორწინების შემდეგ ისინი იხდიან ყოველ თვიურად 1000 ევროს, რის გამოც ამხელა თანხის გადახდა უჭირთ, რადგან მათ სტაბილური შემოსავალი უმრავლეს შემთხვევაში არ გააჩნიათ. კვლევების თანახმად, იტალიელ განქორწინებულ მამაკაცებს საკუთარი თავის შენახვაც კი უჭირთ, რის გამოც ბინის ქირებსაც ვერ იხდიან. მამაკაცთა რიცხვი, რომლებისთვისაც განქორწინება და ქონების გაყოფა ტრაგედიან იქცა, ყოველწლიურად იმატებს.

განქორწინებულ მამაკაცთა ასოციაციის განცხადებით, პრობლემა გამძაფრთა უკანასკნელი წლების განმავლობაში. ადგილობრივი ხელისუფლებისა და ქრისტიანული ორგანიზაციების გადაწყვეტილებით, ზემოხსნებული მამაკცებისთვის გახსნილია თავშესაფრები, სადაც მათ არა მარტო ღამის გასათევ ადგილს სთავაზობენ არამედ აწყობენ მამების შეხვედრებს ბავშვებთან და აგრეთვე უფასო კონსულტაციებით სარგებლობენ ფსიქოლოგებისგან. გაცხადებული ინფორმაციის თანახმად, თავშესაფრებში მამაკაცებს უფლება აქვთ, რომ დარჩნენ ერთი წლის განმავლობაში. ამ პერიოდში კი მათ უნდა იპოვონ სამსახური და საცხოვრებელი ადგილი.